به گزارشخبرنگار
،به نقل ازمغان امروز، لطفعلی فکرت اهل بیله سوار و با تخلص شعری «آرازین آتاسى» شعری با عنوان «دوزلمز بو شهر والله دوزلمز» سروده است که از نارسایی های شهر می گوید...
بخش هایی از اشعار زیبای این شاعر بیله سواری را بخوانید؛
من سنه قاش قاباق سنده كى منه
دوزلمز بو شهر والله دوزلمز
اختلاف سالماقلا گولوم گوزلیم
دوزلمز بو شهر والله دوزلمز
هر كسین سوزوندن گلسه بیر آواز
بو رحمت لیك لره سیز قیلون ناماز
مدیر بیر ساز چالا منده باشقا ساز
دوزلمز بو شهر والله دوزلمز
شمشیر جكك اوستومیزه علنى
سن منى رد ائله منده كى سنى
اوزومیز اوزومیزه تیكك كفنى
دوزلمز بو شهر والله دوزلمز
قان قان دئمگه اولور گوستریش
اوزومیزى یخماقا ائدیروك یئریش
هى بیر بیرى میزدن نامه گزاریش
دوزلمز بو شهر والله دوزلمز
اورگ یاندیر ماسوق باهم گولشنه
دوز باغبان اولماسوق گوله چمنه
اوتوروب هى دئسوگ ٱشى منه نه
دوزلمز بو شهر والله دوزلمز
غیبت دن تهمت دن گئدیر باخ یاریش
دوزه قویو قازیروق بیز قاریش قاریش
ائلیمین اوغلونا تیكیروك پاپیش
دوزلمز بو شهر والله دوزلمز
همكارلیق یئرینه حمله عمومى
فرق ائله مز بومى یا غیر بومى
شهردار گر اولا اسكندر رومى
دوزلمز بو شهر والله دوزلمز
باخیشلاردا ائیتیب گورنه گوزللیك
آغلییاق بو حالا گلون هله لیك
اولما سا محبت اولماسا بیرلیگ
دوزلمز بو شهر والله دوزلمز
یاغیش هاردان اولار بولوط اولماسا
تفرقه نى بیرلیگى میز یولما سا
بئش بارماقون محكم یومروق اولماسا
دوزلمز بو شهر والله دوزلمز
گنج نسله محبت دن وئرك پاى
بو یوردومدا وارلیق ساجا گونش آى
بئله گلسوگ بئله گئدسوگ آى هاراى
دوزلمز بو شهر والله دوزلمز
گل بیربیرى میزین توتاقون الین
ائلیمین دارییاق پریشان تئلین
فیكرتین شعریده لال ائت سون دیلین
دوزلمز بو شهر والله دوزلمز
انتهای پیام/
نظر شما
دیدگاه های ارسال شده توسط شما، پس از تایید توسط مدیریت در وب سایت منتشر خواهد شد